Sanskrit bog: Thus spake Timmu the dull headed

मूढतिम्मुरुवाच

तारासहस्राणि सन्ति चेन्नभसि किम् ।

करदीप एव पान्थस्य निशि शरणम्।

दूरे स्थितं दैवमस्तु खलु मानुषो

मित्रमिच्छति कमपि मूढतिम्मो ॥ ४२४ ॥

इदं मात्रागणवृत्तं मूलकृतावेव प्रयुक्तमत्र मया आप्तानाम्ना अभिहितं यस्य लक्षणोऽयम् ।
पञ्चमात्रागणाः सन्ति चत्वारोऽत्र
प्रथमपादे चापि पादे तृतीये ।
द्वितीये त्रयो सन्ति पश्चात् गुरू वै
चतुर्थे त्रयो गुरुश्चाप्ताभिधे ॥



From DVG’s “manku timmana kagga”

ಕಾರಿರುಳೊಲಾಗಸದಿ ತಾರೆ ನೂರಿದ್ದೇನು

ದಾರಿಗನ ಕಣ್ಗೆ ಬೇಕೊಂದು ಮನೆಬೆಳಕು |

ದೂರದಾ ದೈವವಂತಿರಲಿ ಮಾನುಷಸಖನ

ಕೋರುವುದು ಬಡಜೀವ ಮಂಕುತಿಮ್ಮ || ೪೨೪ ||

- - - -

Sanskrit blog: Humour-52

हास्यसीकरः-५२

काचन वृद्धा बेंगलूरु नगरस्य रेल्-निःस्थानस्य वेदिकायां स्थिता निकटे स्थितं कञ्चन पुरुषमपृच्छत्.

वृद्धा: “भोः, मैसूरुनगरं प्रति रैल्-यानं निष्क्रान्तं किम्?”

पुरुषः: “बाढम्”।

वृद्धा: “शिमोग्गानगरात् रैल्-यानमागतं किम्?”

पुरुषः:”बाढम्”।

वृद्धा: “चेन्नै नगरं प्रति रैल्-यानं निष्क्रान्तं किम्?

पुरुषः “मातः, अहं न जाने । त्वया कुत्र गन्तव्यम्?”

वृद्धा: “पुत्र, लोहपथं तर्तुं वाञ्छामि ।“

- - - -

Sanskrit blog: So said Timmu the dull headed

मूढतिम्मुरुवाच
अस्ति किं पथचित्रमुत्पतद्विहगस्य ।
अस्ति किं पथविधिर्मत्स्यस्य सलिले ॥
किमपि प्रचोदयति किमपि कर्षत्यत्र ।
पटपत्रमेवासि मूढतिम्मो ॥ ६४१ ॥
[पटपत्रम्=kite (a coined word)]

इदं मात्रागणवृत्तं मूलकृतावेव प्रयुक्तमत्र मया आप्तानाम्ना अभिहितं यस्य लक्षणोऽयम् ।
पञ्चमात्रागणाः सन्ति चत्वारोऽत्र
प्रथमपादे चापि पादे तृतीये ।
द्वितीये त्रयो सन्ति पश्चात् गुरू वै
चतुर्थे त्रयो गुरुश्चाप्ताभिधे ॥



From DVG’s “manku timmana kagga”

ಬಾನೊಳಿರುವುದೆ ಪಕ್ಷಿ ಪಾರ್ವ ದಾರಿಯ ನಕ್ಷೆ |
ಮೀನು ನೀರೊಳು ನುಸುಳೆ ಪಥನಿಯಮವಿಹುದೆ? ||
ಏನೊ ಜೀವವನೆಳೆವುದೇನೊ ನೂಕುವುದದನು |
ನೀನೊಂದು ಗಾಳಿಪಟ ಮಂಕುತಿಮ್ಮ || ೬೪೧ ||
- - - -

Sanskrit blog: Humour-51

हास्यसीकरः-५१

भार्या: यद्यहं दिनपत्रिका अभविष्यम् तदा सदा तव हस्तयोः अस्थास्यम् ।

भर्ता : निस्संशयम् प्रिये, यदि मम भार्या दिनपत्रिका अभविष्यत् तदा प्रत्यहं सा नवा अभविष्यत् ।

- - - - 

Sanskrit blog: Turing and the Turing test

ट्यूरिंगः ट्यूरिंगपरीक्षा च

अलन् मथिसन् ट्यूरिंगस्य जन्म क्रिस्तीय १९१२ वर्षे जून् मासस्य २३तमे दिवसे अभवत् । अतः वर्तमानवर्षे तस्य जन्मशताब्दिः आचर्यते ।
द्वितीयमहायुद्धे ब्रिटन्-अमेरिकावृन्दस्य विजये गणकयन्त्रविज्ञानस्य आविर्भावे च अप्रतिमप्रतिभस्य ट्यूरिंग्वर्यस्य संशोधनानि महत्पात्रमवहन् ।
यदा गणकयन्त्राणि न सृष्टानि, तदा स्वप्रगल्भतया ट्यूरिंगः नूतनां प्रक्रियामेकां मनसा प्राकल्पयत्, या इदानीं “ट्यूरिंग् यन्त्रम्” इति आख्यायते । ट्यूरिंग् यन्त्रं गणकप्रक्रियाविज्ञानस्य मूलमन्त्रं खलु ।
द्वितीयमहायुद्धे जर्मनीदेशः सेनासंदेशान् अतिजटिलगूढभाषायां संवाहयति स्म । तत्भाषायाः संज्ञानां भेदने ट्यूरिंगः समर्थः अभवत् । यदा शत्रोः गूढसंदेशाः स्पष्टा अभवन् तदा ब्रिटन्-मित्रराष्ट्राणां विजयः हस्तगतः अभवत् ।

ट्यूरिंग-वर्यस्य अन्या प्रकल्पना ट्यूरिंग-परीक्षा इति नाम्ना प्रथिता । गणकयंत्रं  मनुष्यसमानां धीशक्तिं प्राप्तवत् किम् इत्येतस्य प्रश्नस्य उत्तरं प्राप्तुमयं निकषग्रावा ।

कश्चन धीमान् देवदत्तनामा अन्येन धीमता हरिदत्तनाम्ना नरेण तथा धीमता केनचन गणकयन्त्रेण सह एककाले दूरमुद्रक(tele-printer) युग्ममवलम्ब्य लिखितरूपेण संभाषते इति संभावयाम । देवदत्तः कतरं दूरमुद्रकमवलम्ब्य हरिदत्तेन सह, कतरं दूरमुद्रकमवलम्ब्य गणकयन्त्रेण सह संभाषे इति न जानाति । देवदत्तः समुचितप्रश्नान् लिखितरूपेण पृष्ट्वा लब्धोत्तरैः कतरं दूरमुद्रकमवलम्ब्य हरिदत्तेन सह संभाषे इति ज्ञानं लभेत ।

हरिदत्तस्तु अहं गणकयन्त्रं न भवामि इति ज्ञानं पुष्टीकर्तुं स्व धीशक्त्या समुचितोत्तराण्येव संदिशति । गणकयन्त्रं तु समुचितोत्तरैः अहं मनुष्यवत् धीमदिति ज्ञानं बोधयितुं प्रयतते ।

अस्यां परीक्षायां देवदत्तस्य प्रश्नशृंखलायाः ध्येयस्तु कतरं दूरमुद्रकमवलम्ब्य हरदत्तेन सह संभाषे इत्येतस्य ज्ञानलाभ एव ।  देवदत्तः स्वप्रगल्भतां सर्वामुपयुज्य प्रश्नान् पृच्छति । तथापि यदि देवदत्तः एतद्ज्ञानं न लभते तदा तद्गणकयन्त्रस्य धीशक्तिः मनुष्यधीशक्तिसमा एव इति सिद्ध्यते । इयमेव प्रथिता ट्यूरिंग-परीक्षा (Turing test) । इमां परीक्षां ट्यूरिंगः १९५०तमवर्षे स्वविज्ञानप्रबन्धे प्रासूचयत् । अद्यापि अस्याः परीक्षायाः महत्त्वमकुण्ठितं वर्तत इत्यहो ट्यूरिंगस्य कुशाग्रबुद्धिः ।

- - - -

Sanskrit blog: A quote from Mark Twain

मार्क्-ट्वेन उवाच

धनिकेभ्यः धनं लब्ध्वा निर्धनेभ्यः मतानि च

नायकः प्रतिजानीते ऽन्योन्यभीतिनिवारणम् ॥

Based on:

Politics is the gentle art of getting votes from the poor and campaign funds from
the rich by promising each to protect him from the other.

Mark Twain.

Sanskrit blog-100: Humour-50

ब्लाग्-लेखः-१००

हास्यसीकरः-५०

कदाचन कृपणः वणिक् ब्रह्मगुप्तः तस्य मित्राय धनिकाय देववर्मणे रक्तं प्रदाय मरणोन्मुखाय तस्मै जीवदानमकरोत् । कृतज्ञः देववर्मा अमूल्यं मर्सिडीस्-कार्-यानम् उपायनरूपेण ब्रह्मगुप्ताय ददौ । ब्रह्मगुप्तः नितरां तुष्टः अभवत् । पुनः देववर्मा रुग्णः अभवत् । तस्मै रक्तदानमवश्यमभवत् । पुनरपि ब्रह्मगुप्तः सहर्षं मित्राय देववर्मणे रक्तं ददौ । इदानीं तु देववर्मा मित्राय ब्रह्मगुप्ताय किमपि उपायनं न ददौ । अतुष्टः ब्रह्मगुप्तः देववर्माणमवदत्, “ कथमिदम् ? तदानीम् तु कार्-यानमुपायनं अददः । इदानीं तु किमपि न ददासि?” । देववर्मा प्रत्यवदत्, “क्षमस्व माम् । इदानीं तु मम देहे प्रभूतं तव रक्तं प्रवहति खलु” ।

- - - -

Sanskrit blog: So said Timmu the dull-headed

मूढतिम्मुरुवाच

प्रातरुप्तं बीजमेति किं फलदशाम्

सायमस्त्यत्र खलु कालस्य पात्रम् ।

ओदनं भवति किं तण्डुलं सत्वरम्

तितिक्षा साम्प्रतं मूढतिम्मो ॥ ७८१ ॥

इदं मात्रागणवृत्तं मूलकृतावेव प्रयुक्तमत्र मया आप्तानाम्ना अभिहितं यस्य लक्षणमिदम् ।

पञ्चमात्रागणाः सन्ति चत्वारोऽत्र

प्रथमपादे चापि पादे तृतीये ।

द्वितीये त्रयो सन्ति पश्चात् गुरू वै

चतुर्थे त्रयो गुरुश्चाप्ताभिधे ॥

From DVG’s “manku timmana kagga”

ಕಾಳನುದಯದಿ ಬಿತ್ತೆ ಸಂಜೆಗದು ಪೈರಹುದೆ?

ಪಾಲುಂಟು ಕಾಲಂಗೆ ನಮ್ಮ ಕೃಷಿಗಳಲಿ |

ವೇಳೆ ಗಡು ಮರೆತಾತುರದಿನ್ ಅಡುಗೆ ಪಕ್ಕಹುದೆ?

ತಾಳುಮೆಯೆ ಪರಿಪಾಕ ಮಂಕುತಿಮ್ಮ || ೭೮೧ ||

- - - -

Sanskrit blog: Humour-49

हास्यसीकरः-४९

काचन कन्या वृत्तपत्रिकायां विज्ञापनामेकां प्रकाशितवती : “पतिमेकं वाञ्छामि” इति । अपरेद्युः शतानि पत्राणि तया स्वीकृतानि । सर्वेषु पत्रेषु इदमेव निवेदितम्, “मम पतिं स्वीकुरु” ।

- - - - 

Sanskrit blog: So said Timmu the dull-headed

Sanskrit blog: So said Timmu the dull-headed

मूढतिम्मुरुवाच

जगदिदं प्राक्तनं नितरां पुरातनम्

रूढं सहस्राणि साराणि पीत्वा ।

असुकरं खलु तत्स्वभावपरिवर्तनम्

तत्र त्वरा मास्तु मूढतिम्मो ॥८७५॥

इदं मात्रागणवृत्तं मूलकृतावेव प्रयुक्तमत्र मया आप्तानाम्ना अभिहितं यस्य लक्षणमिदम् ।

पञ्चमात्रागणाः सन्ति चत्वारोऽत्र

प्रथमपादे चापि पादे तृतीये ।

द्वितीये त्रयो सन्ति पश्चात् गुरू वै

चतुर्थे त्रयो गुरुश्चाप्ताभिधे ॥

From DVG’s “manku timmana kagga”

ಬಲುಹಳೆಯ ಲೋಕವಿದು, ಬಲು ಪುರಾತನಲೋಕ

ಬೆಳೆದಿರ್ಪುದಿದು ಕೋಟಿರಸಗಳನು ಪೀರ್ದು|

ಸುಲಭವಲ್ಲಿದರ ಸ್ವಭಾವವನು ಮಾರ್ಪಡಿಸೆ

ಸಲದಾತುರತೆಯದಕೆ ಮಂಕುತಿಮ್ಮ || ೮೭೫ ||

- - - -