- अण्णाहजारे
गान्धेर्महात्मनः मार्गमनुसृत्य सदाग्रहम्
भीषयन्सर्वकारं यो निराहारव्रतस्थितः ।। १ ॥
उत्कोचरोगसंत्रस्तान् सुप्तान् नः प्रत्यबोधयत् ।
उत्कोचभूतनाशाय सुशक्तं लोकपालकं ।। २ ॥
विदध्यात्संसदित्येवं कृतो येनाग्रहो दृढः
आहिमाचलमासेतोः ग्रामेषु नगरेषु च ।। ३ ॥
यस्य स्थैर्यं चार्जवं च श्लाघिते विस्मितैर्जनैः
अण्णाहजारेवर्यं तं प्रणमाम हृदा मुदा ॥ ४ ॥
उत्कोचं न प्रगृह्णामि न ददामि कदाचन
इत्येवं प्रतिजानाम देशार्थं स्वहिताय च ।। ५॥
अण्णाहजारेऽभिध एष योगी
उत्कोचनिर्मूलनयज्ञदीक्षितः ।
निरामयो जीवतु हायनाः शतम्
भवन्त्वमोघाः प्रथिता तदुद्यमाः ॥ ६ ॥
- - - -
uttamam!
ReplyDelete