Sanskrit blog: Parrot critic

छिद्रान्वेशी

“कृतकशुकोऽयं दुनोति मम मनः सुभृशमत्र विनिवेशितः ।

कोऽस्य कर्ता हन्त स तु वेद्म्यहं कर्मण्यनभिज्ञः ।। १ ॥

कति कृता कृतका मया विहगा क्व सुभगता सहजा तेषाम् ।

क्वेदं वैरूप्यं भोः तूर्णमपसारयतेममितः ॥ २ ॥  

इदं कीरतुण्डं किं? को निगदति शुकस्य कण्ठ इतीमम् ।

शुकपक्षौ इत्थं किं? पादौ वक्रौ नखा निम्नाः” ॥ ३ ॥

इत्थं जल्पति सुचिरं कृतकखगकर्मविचक्षणे सहसा ।

तमभिभवन्निव कीरः गवाक्षाश्रित उदपतद्वै ।। ४ ॥

- - - -

[Inspired by a poem in English on a similar theme]