Sanskrit blog: An Ode to the Scientific Spirit-28

विज्ञानसंस्कृतिः-२८

प्रथमकृतकोपग्रहं स्पुट्निकं स्मरत

शश्युपग्रहतले प्रथमतो न्यस्तांघ्रि-

मप्रतिमसाहसं तं मानवं नमत

तत्कार्यसाधकानगणितान् च स्मरत

व्योमयानज्ञानसफलतां च स्मरत

तज्ज्ञानसंस्कृतेस्ताडयत जयडिंडिमम् ॥ २९ ॥ 

- - - - 

Sanskrit blog: An Ode to the Scientific Spirit-27

विज्ञानसंस्कृतिः-२७

ट्रान्सिस्टरिति लोकविदितोपकरणाद्धि

नवविविधसौकर्यगणजन्मसाध्यता

तत्सम्भवे मुख्यकारणजनत्रयान्

षाक्लीमहोदयं ब्रट्टेनबार्डीन

वर्यौ च तत्साधितं चैव संस्मृत्य

तज्ज्ञानसंस्कृतेस्ताडयत जयडिंडिमम् ॥ २८ ॥

- - - - 

Sanskrit blog: An Ode to Scientific Spirit-26

विज्ञानसंस्कृतिः-२६

सङ्गणकयन्त्रस्य जनक इति विश्रुतं

ट्यूरिङ्गनामानम् आङ्ग्लदेशस्थितं

विश्वसमरे आङ्ग्लदेशजयकारणम्

सार्वत्रिकं गणकयन्त्रमाविष्कृत्य

शाश्वतयशोभाजनं गण्यमादृत्य

तज्ज्ञानसंस्कृतेस्ताडयत जयडिंडिमम् ॥ २७ ॥

- - - -

Sanskrit blog: An Ode to the Scientific Spirit-25

विज्ञानसंस्कृतिः-२५

वाट्सनं क्रिक्वर्यम् अतुलप्रभाविनौ

जीवशास्त्राङ्गणे यौ सर्वजीविनाम्

मूलेष्टकाभूतसत्त्वप्रकाशने

सफलतां प्राप्य खलु जगति कीर्तिं चापि

लब्धवन्तौ नमत सत्यसंशोधकौ

तज्ज्ञानसंस्कृतेस्ताडयत जयडिंडिमम् ॥ २६ ॥

- - - -  

Sanskrit blog: An Ode to the Scientific Spirit-24

विज्ञानसंस्कृतिः-२४

अलेक्सांडर् फ़्लमिन्ग् वर्येण वैद्येन

सूक्ष्मगदजनकजन्तून्मूलने जयः

प्राप्तो नु पेनिसिलिनेत्याह्वभेषजात्

नोबलोपायनं प्राप्तं च कोटिशः

रुग्णा निरामया अभवन् तदगदेन

तज्ज्ञानसंस्कृतेस्ताडयत जयडिंडिमम् ॥ २५ ॥  

_ _ _ _ 

Sanskrit blog: An ode to the Scientific Spirit-23

विज्ञानसंस्कृतिः-२३

सीविरामन्नामभारतसुताग्रणी

रामन्प्रभाव इति विदितामवेक्षणां

द्रव्याणुभिर्दीप्तिविकिरणप्रकरणे

साग्रहं सन्दर्श्य नोबलोपायनं

वरभारतरत्नोपाधिमलभत महान्

तज्ज्ञानसंस्कृतेस्ताडयत जयडिंडिमम् ॥ २४ ॥

- - - - 

Sanskrit blog: An Ode to the Scientific Spirit-22

विज्ञानसंस्कृतिः-२२

श्रोडिङ्गरं नमत भौतशास्त्राग्रणीं

यो खण्डवादस्य जनक इति विश्रुतो

द्रव्यं कदाचिदप्यणुरूपतां भजेत्

अन्यदा वीचिवत् व्यवहरेदिति महा-

गणितमयवरसमीकरणेन साधितम्

येन तत्संस्कृतेस्ताडयत जयडिंडिमम् ॥ २३ ॥ 

- - - - 

Sanskrit blog: An Ode to the Scientific Spirit-21

विज्ञानसंस्कृतिः-२१

यो दीप्तिवेगस्य नित्यतामाधृत्य

दिक्कालमिथुनस्य सापेक्षतां तथा

द्रव्यशक्तिद्वयस्यान्योन्यसमतां च

संस्थापयामास संस्मृत्य तं गुरुम्  

ऐन्श्टैनमाल्बर्टुपाह्वममितप्रभम्

तज्ज्ञानसंस्कृतेस्ताडयत जयडिंडिमम् ॥ २२ ॥

- - - - 

Sanskrit blog: An Ode to the Scientific Spirit-20

विज्ञानसंस्कृतिः-२०

दास्यभावव्यथितदेशेऽस्मदीये हि

सम्भूतवान् कोऽपि महनीयमानवः

तन्तुं विनाकाशमाध्यमे प्रसरणम्

विद्युत्तरङ्गस्य साध्यमिति निरदिशत्

जगदीशचन्द्रबसुमुज्ज्वलं स्मरन्तो

विज्ञानसंस्कृतेस्ताडयत जयडिंडिमम् ॥ २१ ॥

- - - - 

Sanskrit blog: An Ode to the Scientific Spirit-19

विज्ञानसंंस्कृतिः-१९

माक्स्-प्लान्कवर्यो निरदिशत् स्वमेधसा

ऊर्जाप्रसारणं खण्डशो भवतीति

मूलतत्त्वं येन भौतविज्ञानस्य

नूत्नमार्गोऽभवत् खण्डवादस्य वै

बीजवापनमभूत् स्मरन्तो तां कृतिम्

विज्ञानसंस्कृतेस्ताडयत जयडिंडिमम् ॥ २० ॥

- - - -