simple sanskrit: February 2015

Saturday, February 28, 2015

विज्ञानसंस्कृतिः-१२

मैकेलफारडे इति नाम यस्य यो

चलदयस्कान्तस्य निकटे स्थिते लोह-

सूत्रे तडिच्छक्तिरनुभूयते इति

प्रोद्योगपरिवर्तकं तत्त्वमकथयत्

तं लोहकारस्य तनयं प्रशस्य भोः

तज्ज्ञानसम्स्कृतेस्ताडयत जयडिंडिमम् ॥ १३ ॥

- - - -

विज्ञानसंस्कृतिः-११

डाल्टनमहाशयं यो मूलवस्तूनि

समगुणैः परमाणुभिः कृतानीत्युचित-

भिन्नपरमाणुसंयोगात् हि संयुक्त-

वस्तूनि सिध्यन्ति चेत्याह संस्मृत्य

रसशास्त्रवर्धनाग्रेसरं ज्ञानिनम्

तद्ज्ञानसंस्कृतेस्ताडयत जयडिण्डिमम् ॥ १२ ॥

- - - -

विज्ञानसंस्कृतिः-१०

एड्वर्डजेन्नरःजनपदप्रत्ययम्

ह्यवलम्ब्य मारकमसूरिकावारणे

सफलतां प्राप्य खलु भूतले प्रथमतो

आविष्चकार भीषणरोगयन्त्रणं

रोगरोधकवेधनीतन्त्रमार्गेण

तज्ज्ञानसंस्कृतेस्ताडयत जयडिंडिमम् ॥ ११ ॥

- - - -

विज्ञानसंस्कृतिः-९

लव्वासिएर्वर्यमाधुनिकरसशास्त्र-

जनक इति विख्यातमाम्लजनको येन

उत्पादितो स्वप्रयोगालये दीप्त-

जलजनकतो जलं भवतीति दर्शितम्

स्मरन्तो तं च तद्विज्ञानकर्माणि

तज्ज्ञानसंस्कृतेस्ताडयत जयडिंडिमम् ॥ १० ॥

- - - -