कोविड् गदनिरोधार्थम्

 कोविड्गदनिरोधार्थं विस्मृत्य प्रथितं वचः ।

मुखप्रक्षालनात्पूर्बं हस्तप्रक्षालनं कुरु ॥ 

----

पत्नी ताडयते-३

 

 

मातुर्गेहमहं व्रजामि कतिचिद्रात्रीरिति प्रस्थिता

आगत्यैव परेद्यवि त्वदशने  चिन्तेति  मां  भाषते।

कच्चित्वत्प्रणयस्य पात्रमभवं ब्रूहीति पृष्टा मया

शस्त्रीकृत्य निजोपधानमबला मां ताडयत्युत्सुका  ॥ ४ ॥

[अनुवर्तते]

पत्नी ताडयते-२

 

व्याघातैर्बहुभिर्युते  सफलतां  कार्येऽहमाप्नोमि  चेत्

मुञ्चत्याकुलतां  प्रसह्य विजहत्यानन्दबाष्पं  प्रिया  ।

कच्चित्वत्प्रणयस्य पात्रमभवं ब्रूहीति पृष्टा मया

पत्नी ताडयते शिखण्डशकलेनोद्विग्नचित्तेव माम्  ॥  ३  ॥

[अनुवर्तते]

पत्नी ताडयते

 

पत्नी ताडयते

चायं सुस्मितफेनभासरुचिरं सुप्तप्रबुद्धाय मे

स्वौष्ठस्पर्शमधु प्रपूर्णचषके दत्ते किलामोदवत्।

कच्चित्वत्प्रणयस्य पात्रमभवं ब्रूहीति पृष्टा मया

पत्नी ताडयते शिखण्डशकलेनोद्विग्नचित्तेव माम् ॥ १ ॥

दूरादागतमाननाङ्कितमुदा द्वार्येव संपृच्छति

क्लान्तः किम् सफलः श्रमः पिबसि किंचात्सीति मन्दस्मिता।

कच्चित्वत्प्रणयस्य पात्रमभवं ब्रूहीति पृष्टा मया

पत्नी ताडयते शिखण्डशकलेनोद्विग्नचित्तेव माम् ॥ २ ॥

[अनुवर्तते]

 

Knight's Tour

 

  http://link.springer.com/article/10.1007/s12045-020-1026-7

Title The Knight’s Tour Problem and Rudrata’s Verse
Journal Resonance, 25(8), 1095-1116
DOI 10.1007/s12045-020-1026-7

कोविदगीता

कोविदगीता

देवालये करोनाया वैद्य एवार्चको भवेत् ।

सेनिटैसर् हि तीर्थः स्यात् क्लोरोक्वीन् हि निवेदनम् ॥  

सर्वधर्मान् परित्यज्य विज्ञानं शरणं व्रज ।

तदेव कोविदात् कृच्छ्रात् मोक्षयिष्यति मा शुचः ॥
- - - -

काव्यात्

काव्यात्

काव्याज्जगत्कोविदभूतशस्तं  तप्तं  ज्वरान्निःश्वसनेऽपि रुद्धम् ।

देवी सुवस्त्रावृतवक्त्रनासा बाहुद्वयादेव विलोकयन्ती ॥ 
- - - - 

विज्ञानसूक्तिः-६

विज्ञानसूक्तिः-६

अविरलघनतां ये लोहवत् प्राप्तवन्तो

स्वकृतिजलविमग्नाः कर्मदक्षा भवन्ति।

सुविरलघनतां ये काष्ठवत् प्राप्तवन्तः

स्वकृतिषु न विमग्नास्तेऽपवाह्या भवन्ति॥

Those who are densely solid like metal get immersed in their work and become efficient. Those who are loosely solid like a log of wood do not get immersed in their work and will get removed.
- - - -

विज्ञानसूक्तिः-५

विज्ञानसूक्तिः-५

अन्योन्यसङ्कर्षणचोदितौ यथा न्यूटन्-विधिं पालयतो धराविधू ।

आचार्यशिष्यौ चरतस्तथादृतौ परस्पराकर्षणबद्धमानसौ ॥

- - - -
The preceptor and the disciple act together respectfully with their minds bound by a mutual attraction in the manner the earth and the moon follow Newton's law propelled by their mutual attraction.
- - - -

धरा

रक्ताधरा

पयोधराश्लिष्टसूर्यकरात्ताद्रिकटी किमु ।

रक्ताधरा तमन्वेति त्यक्तलज्जा दिगम्बरा॥

- - - -