विज्ञानसूक्तिः-४

विज्ञानसूक्तिः-४

जीवन्मुक्तो बाष्पनिभः सर्वं व्याप्नोति लीलया ।

क्वथ्यमानाम्बुसङ्काशो  मुक्तिमार्गानुगो मुनिः ॥ ५ ॥

A realized soul like steam easily pervades everything. A sage who is on the road to realization is like boiling water (which is in the process of becoming steam).
----

विज्ञानसूक्तिः-३

विज्ञानसूक्तिः-३

मृत्कुम्भे निहितं वारि यथा ग्रीष्मेऽपि शीतलम् ।

भवतापेऽपि शान्तं स्यात् तथैव वशिनो मनः ॥ ४ ॥

Just as water kept in an earthen pot remains cool even in summer, the mind of a man of self-control remains calm even in times of worldly distress.

----

विज्ञानसूक्तिः-२

विज्ञानसूक्तिः-२

अवक्रयष्टिरुदकेऽलम्बं तिष्ठति चेत्तदा

वक्रीभूत इवाभाति पश्यताम् पयसस्तले  ॥

न यष्टिर्वक्रतां याति साधुनी पश्यतोऽक्षिणी

विज्ञानदृष्ट्या पश्येश्चेत् भ्रमाभासो निरस्यते ॥

----

ब्ला ब्ला ब्लेति

ब्ला ब्ला ब्लेति

ब्ला ब्लाब्लेति सुपुष्टबस्तरटनं कुर्वन् पुरीचत्वरे

भृत्यश्लाघनदर्पितो बहुमुखो दक्षः स्वनिर्वाचने ।

सर्वान् तोषयते जनान् सुमधुरासत्यैः स्ववित्तार्जने       

शूरो विन्दति राजनीतिचतुरः श्रेयः सदास्मिन्युगे ॥

-----

विज्ञानसूक्तिः-१

विज्ञानसूक्तिः

अल्पेन चन्द्रेण तिरोहितो भवेत्

सूर्यः प्रचण्डः पृथुगात्रवानपि ।

लोके तथा सत्त्ववतां समर्थता 

भृशं  निवार्येत  जनेन  केनचित् ॥
---- 

kasmai devaaya

कस्मै देवाय

माता क्रन्दत्यधीरा ममशिशुरनघः कुत्र गतवान्

अन्यत्रार्तो जनन्यै त्वविरतमबलो  रोदिति शिशुः ।

सर्वे पृष्टा रमण्यायि वद किमिह दृष्टो मम पतिः

कस्मै देवाय भूयान्मम नमनमिदानीं वद सखे ॥

--- 

कृष्ण!

कृष्ण!

उपयासि तमसि राधां रजसा लिप्तश्च चरसि गोपालः ।

पुलिनेषु पङ्किलस्त्वं तथापि सत्त्वगुणपूर्णः किम् ॥

----